Arantzazuko Adiskideak elkarteak eta Arantzazu Gaur Fundazioak, Donostiako Santa Mariako Basilikarekin elkarlanean, otsailaren 18tik apirilaren 5era, Xavier Álvarez de Eulate (1919-2012) frantziskotarrak bere ibilbide artistikoan landu zuen Sasia sutan seriea osatzen duten formatu handiko zein txikiko 21 obra ikusgai jarriko dituzte. Xavier Álvarez de Eulate Arantzazuko Basilikako beirate koloretsuen egilea izan zen. Erakusketa bisitatzeko ordutegia honakoa da: astelehenetik larunbatera, 11.00etatik 13.00etara eta 16.00etatik 19.00etara.