Azken abenduan egin genuen bezala, datorren martxoaren 12an egingo dugu bigarren otoitzaldia, OTOIZLEKU proiektuaren eskutik. Martxoaren 12ko larunbat arratsaldean, 17:00etan, bilduko gara, otoitzaldi irekia egiteko. Isilune luzez, entzunez, galderaz, musikaz, kantuz… Hitz gutxi eta barne-lan handiz, horrelaxe burutu nahi dugu otoitzaldia. Ez da buruz ikasitako errezoak esatea. Barrura begiratzea da, eta barruan zeure errealitatearekin bezala, Jainkoaren bisitarekin topo egitea. Edonorentzat irekia da otoitzaldia. Arantzazuko Basilikan izango da, Jubileuko txoko berezian. Era librean eta elkartasun gozoan. Etorri!
